Сябра Аб’яднанай грамадзянскай партыі Аляксандар Кабанаў, адзін зь лідэраў берасьцейскага «Маршу недармаедаў» зь Бярозы, паведаміў а 20 гадзіне ў сваім Фэйсбуку, што яго забіраюць у міліцыю.
Зараз тэлефон спадара Кабанава недасяжны. Бярозаўская знаёмая апазыцыянэра паведаміла, што ён затрыманы міліцыяй менавіта на месцы жыхарства па вяртаньні зь берасьцейскай акцыі.
У часе сёньняшняга маршу ў Берасьці Аляксандар Кабанаў казаў карэспандэнту Свабоды, што пасьля акцыі сам добраахвотна зьявіцца ў міліцыю.
Міліцыянты выклікалі яго позваю на 17 гадзінаў 3 сакавіка, нібыта каб узяць тлумачэньні за ўдзел у мінулым «Маршы недармаедаў». Аляксандар па гэтай позьве не пайшоў, патлумачыўшы гэта тым, што асьцерагаўся прэвэнтыўнага затрыманьня напярэдадні акцыі.
Аляксандар Кабанаў — адзін зь лідэраў пратэсту ў Берасьці. Пасьля мінулага маршу, які адбыўся 26 лютага, яго за адзін дзень двойчы затрымлівалі міліцыянты.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін2
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1313
Каментары