Беларусы ў мінулым годзе атрымалі 12,7 мільёна міжнародных паштовых адпраўленняў, паведамілі finance.tut.by ў ДМК. Пры гэтым кошт 1% пасылак, якія фізічныя асобы атрымалі ў 2016 годзе з-за мяжы, перавысіў ліміты 22 еўра.
— Часцей за ўсё перавышэнне нормы адбываецца за кошт паступлення некалькіх пасылак у іх адрас на працягу каляндарнага месяца. У асноўным налічэнне сум мытных пошлін, падаткаў рабілася мытнымі органамі на падставе звестак аб кошце тавараў, названымі адпраўніком у дакументах, якія суправаджаюць міжнародных паштовых адпраўленняў, — растлумачылі ў ДМК.
У мінулым годзе прыкладна 1,6% ад агульнай колькасці пасылак з-за мяжы, якія прыйшлі фізічным асобам, вярнулі да адпраўніка з-за іх адмовы атрымліваць «бандэролі».
Пры гэтым каля 145 тысяч беларусаў атрымалі ў мінулым годзе больш за 10 пасылак з-за мяжы.
Больш за ўсё пасылак беларусам прыходзіць напярэдадні і пасля святаў, а таксама буйных распродажаў, якія ладзяць замежныя інтэрнэт-крамы, удакладнілі ў ДМК.
- Паступленне пасылак у Беларусь напрамую залежыць ад колькасці пакупак, якія здзяйсняюцца грамадзянамі нашай краіны ў замежных інтэрнэт-крамах, - адзначаюць у ДМК.
Пры гэтым у ведамстве не вядуць статыстыку, колькі пасылак беларусы атрымалі канкрэтна з замежных інтэрнэт-магазінаў.
З 14 красавіка мінулага года беларусы атрымліваюць замежныя пасылкі для асабістага карыстання па новых правілах: максімальная сума замовы ў адзін месяц абмежаваная 22 еўра і 10 кілаграмамі (незалежна ад колькасці пакупак). За ўсё, што больш ліміту, трэба плаціць 30% з сумы перавышэння. У Расіі таксама могуць знізіць ліміты на замежныя пасылкі.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары