Гурт N.R.M. далучыўся да дабрачыннай акцыі, накіраванай на збор сродкаў на апэрацыю па перасадцы сэрца для Міхася Ларына. На сёньня з патрэбных для апэрацыі 350 тысяч эўра добрыя людзі ахвяравалі пакуль дзясятую частку грошай.
Гурт N.R.M. далучыўся да дабрачыннай акцыі, накіраванай на збор сродкаў на апэрацыю па перасадцы сэрца для Міхася Ларына. На сёньня з патрэбных для апэрацыі 350 тысяч эўра добрыя людзі ахвяравалі пакуль дзясятую частку грошай.
Раней да акцыі далучыліся гурты «J:МОРС», «Крамбамбуля» ў дуэце з Русяй, этна-трыё «Тройца», «Тяни-толкай», Аляксей Хлястоў.
N.R.M. выклаў у Сеціве для вольнага пампаваньня рарытэтную песьню «13». Песьня мае цікавую гісторыю, якая пачалася больш за 10 год таму. «Міхал Анемпадыстаў прапанаваў пасьля «Народнага альбому» зрабіць альбом марскіх песень і даў мне паслухаць нейкіх кельцкіх сьпеваў, — распавядае Лявон Вольскі. — Пад іх уплывам я напісаў гэткую песьню-стылізацыю. «Марскі праект» так і не адбыўся, а песьня на студыйныя альбомы N.R.M. не патрапіла. Мы яе выканалі на акустыцы 10 гадоў таму і зноў прыгадалі яе толькі на акустыцы ў гэтым траўні. Адтуль і запіс».
Удзельнікі гурту спадзяюцца, што іх песьня дапаможа сабраць грошы для Мішы Ларына. «Мýзыка — гэта вялікая сіла, якая павінна дапамагаць рабіць наш сьвет лепшым у глябальных і часам нават прыватных справах гэткага кшталту, — лічыць гітарыст гурта Піт Паўлаў. — Мы спадзяемся, што ўсё атрымаецца і заклікаем усіх хто можа, дапамагчы Мішу».
Дадатковая інфармацыя пра Міхася й акцыю даступная на сайце праекту.
Як пералічыць грошы
Пералічыць грошы Міхасю вельмі проста — дастаткова зайсьці ў любое аддзяленьне «Беларусбанку» й мець з сабой рэквізыты ягонага рахунку. Квітанцыю запаўняць ня трэба, пашпарт не патрэбны.
Кашалькі Webmoney. У далярах ЗША — Z622038393970, эўра — E286206891870, расейскіх рублях R695931672751, беларускіх рублях — B411817094794.
Паводле serca.tut.by
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары