Эдуард Малафееў кажа, што не хацеў бы параўноўваць посьпех БАТЭ з посьпехам мінскіх дынамаўцаў пачатку 80‑х.
Вядомы футбольны спецыяліст Эдуард Малафееў, які ў 1982 годзе прывёў мінскае «Дынама» да залатых медалёў чэмпіянату СССР, кажа пра выхад барысаўскага БАТЭ ў групавы турнір Лігі чэмпіёнаў: «Самыя сціплыя справы становяцца подзвігам, калі яны авеяныя сапраўдным пачуццём. Футбалісты БАТЭ, як ніхто, умееюць укласці ў гульню сапраўдны запал.
Мне падабаецца, што яны настолькі заражаная каманда, настолькі адказная. Таму што гледач і любіць футбол за шчырасць. Калі чалавек аддае футболу ўсё, у духоўным плане праз «не магу» можа ўсё зрабіць у гульні, тады ён падвойвае, патройвае свае сілы».
Эдуард Малафееў кажа, што не хацеў бы параўноўваць поспех БАТЭ з поспехам мінскіх дынамаўцаў пачатку 80‑х.
Эдуард Малафееў: «Я б гэтага параўнання не хацеў. Гэта ж наноў зроблена. Я б параўноўваў бы не з «Дынама» (Мінск) пачатку 80‑х, а параўнаў бы зь нядаўнім выдатным выступленнем нашых спартсменаў на Алімпійскіх гульнях».
Паводле Малафеева, галоўнае — барысаўская каманда прынесла беларускім аматарам футбола цудоўны настрой, сапраўдны падарунак.
«Калі гэта будзе часцей у нас у краіне, тады і народ пойдзе на трыбуны. І будзе ўсё ў нас выдатна», — кажа Эдуард Малафееў.
-
«Усё, чаго я хацела дасягнуць у жыцці, я зрабіла ў Польшчы». Легкаатлетка Жодзік расказала пра Беларусь, перамогу і свой ганарар
-
Найлепшы гулец матча трэцяга дывізіёна атрымаў у падарунак вядро журавін
-
Беларуска Марыя Жодзік прынесла Польшчы адзіны медаль на чэмпіянаце свету па лёгкай атлетыцы — срэбра
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары