Беларусь нясе прамыя страты з-за забароны транзіту санкцыйных тавараў па тэрыторыі Расіі. Пра гэта заявіў прэм'ер-міністр Беларусі Андрэй Кабякоў сёння на пасяджэнні Еўразійскага міжурадавага савета ў пашыраным складзе ў Ерэване.
Беларусь ініцыюе рэалізацыю дадатковых мер кантролю за перамяшчэннем санкцыйных тавараў для аднаўлення іх транзіту па тэрыторыі Расіі.
«Неабходнасць дадатковых мер па кантролі за перамяшчэннем тавараў, у дачыненні да якіх Расійскай Федэрацыяй у аднабаковым парадку прымяняюцца спецыяльныя эканамічныя меры, выкліканая нашымі прамымі стратамі», — заявіў прэм'ер-міністр.
Рассельгаснаглядам прынята рашэнне аб забароне яшчэ з 30 лістапада 2014 года транзіту так званых санкцыйных тавараў, што паступаюць праз беларускія пункты пропуску, на адрас атрымальнікаў у Казахстане і Кыргызстане праз тэрыторыю Расіі. «Абранае рашэнне наносіць істотны ўрон транзітнай прывабнасці Беларусі. Мы пра гэта заявілі адразу ж і прапанавалі на пляцоўцы ЕАЭС распрацаваць комплекс сумесных мерапрыемстваў, які б зрабіў гэты транзіт зноў магчымым. Гэтую тэму мы абмяркоўваем ужо два з паловай гады», - канстатаваў кіраўнік урада.
«Мяркую, што гэта той выпадак, калі партнёры па саюзе павінны знайсці варыянт рашэння, які дазволіў бы ўлічыць інтарэсы і рэальныя магчымасці ўсіх удзельнікаў працэсу. Мы да гэтага гатовыя, што не раз дэманстравалі ў працэсе абмеркавання праблемы», — падкрэсліў Андрэй Кабякоў.
Цяпер чытаюць
«Мама плакала тры дні, а тата не размаўляў год». Казашка выйшла замуж за беларуса — і сутыкнулася з хэйтам9
Каментары