Грамадства1212

Стаў вядомы сэнс крымінальнай «справы страхаўшчыкоў»

«Нашай Ніве» стала вядома, у чым абвінавачваюць топ-менеджмент страхавых кампаній ТАСК і «Прамтрансінвест». Схема магчымая ў беларускай эканоміцы, завязанай на дзяржаву. У рынкавай гэтага б не дапусціў рынак. 

Уладзімір Яфрэменка (злева) і Ігар Волкаў (справа)

Сілавікі паведамілі пра затрыманне двух генеральных дырэктараў страхавых кампаній, а таксама мужчыны, які раней займаў аналагічную пасаду. Самі кампаніі не называліся.

Гаворка ідзе пра дырэктараў страхавых кампаній ТАСК і «Прамтрансінвест» — Ігара Волкава і Уладзіміра Яфрэменку.

Абедзве кампаніі можна лічыць дзяржаўнымі. ТАСК належыць на 75% структурам Белчыгункі і на 25% Сбер Банку, а ў «Прамтрансінвесце» доля дзяржавы перавышае 60%. 

Паводле інфармацыі «Нашай Нівы», іншым бокам справы — тымі, хто даваў хабары — сталі аўтарамонтнікі. 

Кіраўнікоў дэ-факта дзяржаўных страхавых кампаній Ігара Волкава і Уладзіміра Яфрэменку абвінавачваюць у тым, што яны так уладкоўвалі бізнэс, каб кліенты іх кампаній пры наступленні страхавых выпадкаў прыярытэтна звярталіся да канкрэтных пастаўшчыкоў паслуг.

Тыя, у сваю чаргу, быццам бы выстаўлялі завышаную цану на паслугу. Кліенту гэта было няважна, бо рамонт кампенсуецца страхавой кампаніяй. А рамонтнікі, быццам бы, дзяліліся дадаткова заробленай такім чынам розніцай з менеджментам страхаўшчыкоў. 

У гэтым і палягае сэнс абвінавачвання. 

Законы, па якіх дзейнічае беларускі страхавы рынак, у асноўным напісаны пад такія кампаніі, з вялікай доляй дзяржаўнай уласнасці.

Значная частка абавязковых страховак — кшталту страхавання адказнасці кіроўцаў транспартных сродкаў, здароўя, грамадзянскай адказнасці, маёмасці — робіцца толькі праз іх. 

Абаротныя сродкі і прыбытак такіх кампаній складаюць, у вялікай ступені, выплаты ад дзяржаўных структур і абавязаных грамадзян.

У выпадку апісанай схемы частка гэтых сродкаў, як трактуюць органы, пераразмяркоўвалася пад выглядам страхавых выплат на асабістае ўзбагачэнне менеджараў страхавых кампаній.

Сілавікі заяўляюць, што правяраюць работу за мінулыя гады многіх страхавых кампаній. Як можна меркаваць, будуць шукаць сляды такога роду схем па іншых профілях дзейнасці дзяржаўных страхавых кампаній і іхніх партнёраў.

У выпадку, калі б у Беларусі было іншае рэгуляванне сферы і канкурэнцыя паміж прыватнымі кампаніямі, то такія схемы папросту не маглі б існаваць — таму што ўласнікам было б нявыгадна частку свайго прыбытку праводзіць праз пасярэднікаў. 

Каментары12

  • AbbA
    23.06.2025
    ------цераз пасярэднікаў--------- ПРАЗ

    "цераз" = поперёк чего-либо, с одной стороны на другую, поверх чего-либо
  • Ваш кэп
    23.06.2025
    ), что именно? Государственно регулируемая экономика, создавшая картели?
    Согласен, это прошлый век. Нужна конкурентность, рентабельность и рыночная экономика.
  • Закон Маркса
    23.06.2025
    Меньше буржуев- пролетариям легче.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Усе навіны →
Усе навіны

Гісторыка, які працаваў у ваенкамаце ў Мастах, асудзілі па цэлым пакеце палітычных артыкулаў3

Беларускі самалёт абстраляла расійская СПА, прыняўшы за ўкраінскі дрон? Не, гэта няпраўда2

Ратавальнікі расказалі пра наступствы моцнага ветру на Гомельшчыне

«Не хацелі пакутаваць з беларускімі картамі на Booking». А ў выніку ледзь не трапілі на 400 еўра4

Трамп заявіў, што выступіць з важнай заявай наконт Расіі4

Упершыню расійскія вайскоўцы здаліся ў палон робатам — наватарская аперацыя ўкраінскай штурмавой брыгады7

Самая дарагая сумачка ў свеце. Сумку для Джэйн Біркін прадалі за рэкордныя $10 мільёнаў

Трамп пахваліў прэзідэнта Ліберыі за англійскую, але там гэта мова афіцыйная2

За адзін вечар тры беларускія футбольныя клубы перамаглі супернікаў з Арменіі, Македоніі і Чарнагорыі. Гэта рэкорд7

больш чытаных навін
больш лайканых навін

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Спецслужбы пад выглядам украінцаў збіраюць звесткі з мяжы і заклікаюць у «каманду Сяргея Ціханоўскага»

Галоўнае
Усе навіны →

Заўвага:

 

 

 

 

Закрыць Паведаміць