Прэм'ер-міністр ўзначаліць дэлегацыю Беларусі на першым Беларускім інвестыцыйным форуме ў Лондане
Прэм'ер-міністр Сяргей Сідорскі ўзначаліць дэлегацыю Беларусі на першым Беларускім інвестыцыйным форуме 18 лістапада ў Лондане, паведамляе МЗС Беларусі.
Удзел у форуме возьмуць кіраўнікі міністэрстваў, ведамстваў, галіновых канцэрнаў, прадпрымальніцкіх саюзаў, вядучых прадпрыемстваў, зазначае прэс-служба знешнепалітычнага ведамства.
Паводле інфармацыі кампаніі "Эвентыка", што з'яўляецца арганізатарам мерапрыемства з брытанскага боку, у склад беларускай дэлегацыі таксама ўвойдуць намеснік прэм\'ер-міністра Андрэй Кабякоў, міністр фінансаў Андрэй Харкавец, намеснік старшыні праўлення Нацыянальнага банка Віктар Мацюшэўскі.
Апрача таго, удзел у працы форуму возьме прэзідэнт Еўрапейскага банка рэканструкцыі і развіцця Томас Міраў, генеральны сакратар Канферэнцыі ААН па гандлі і развіцці (ЮНКТАД) Панічпакдзі Супачаі, брытанскі эканаміст лорд Роберт Скідэльскі.
"Беларускі інвестыцыйны форум з'яўляецца унікальнай магчымасцю для вядучых прадстаўнікоў інвестыцыйных і дзелавых колаў для знаёмства з ключавымі фігурамі ўрада і бізнесменамі з Беларусі", — зазначана ў паведамленні.
У ходзе форуму плануецца правядзенне шэрагу тэматычных секцый: "Прамысловасць, нафтахімічны комплекс і энергетыка", "Развіццё фінансавых рынкаў і фінансавых інстытутаў", "Аграпрамысловы комплекс, харчовая і лёгкая прамысловасць", "Рэгіёны, свабодныя эканамічныя зоны, малы і сярэдні бізнес".
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін2
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1313
Каментары