Легалізацыя крыптавалют ў еўразоне выключаецца, паколькі ўкладанні ў іх маюць высокую рызыку хуткіх страт. Такую заяву зрабіў член рады дырэктараў Бундэсбанка Карл Людвіг Тыле, паведамляе Finanzen.net.
Паводле яго слоў, Цэнтральны банк ФРГ нават не разглядае магчымасць увядзення ў абарачэнне крыптавалют, аналагічных цяпер існуючым. Ён адзначыў, што тэхналогія блокчэйн «занадта дарагая» і «непрыдатная для плацяжоў».
«Наша валюта, еўра, у асноўным заснавана на даверы. З даверам лёгка гуляць, але яго цяжка заваяваць», — сказаў Тыле.
Нацыянальныя банкі краін не задавальняе ў крыптавалютах іх няўстойлівасць і вялікая амплітуда хуткага росту кошту і не менш хуткага абясцэньвання. Так на гэтым тыдні курс біткойна падаў некалькі разоў больш чым на 10% у дзень. У сераду, 20 снежня, кошт знізіўся на 13% — з 18,7 тысячы даляраў да 16,6 тысячы даляраў.
А ў ноч на пятніцу, 22 снежня, курс біткойна ўпаў на 15%, дасягнуўшы ўзроўню ў 13 тысяч 48 даляраў.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1616
Каментары