Cкандальная лекцыя для раённых ідэолагаў у Нясвіжскім райвыканкаме абурыла інтэрнаўтаў. «Наша Ніва» пацікавілася ў таварыства «Веды», якое адказвае за ідэалагічную работу ў краіне, якімі крытэрыямі яны кіруюцца пры селекцыі спікераў — жонка лектара Андрэя Іванова сказала, што ён, маўляў, працуе цяпер менавіта ў «Ведах».
Чытайце: «З 1991 года наша краіна акупаваная». У інтэрнэт трапіла шакуючае ВІДЭА семінара для беларускіх ідэолагаў
У цэнтральным апараце «Ведаў» ад Іванова рашуча адхрысціліся, заявіўшы, што такіх работнікаў у іх дакладна няма — накіравалі з пытаннямі ў абласное аддзяленне.
Мы дазваніліся да першага намесніка старшыні «Ведаў» Ігара Лінкіна, які курыруе работу па Мінскай вобласці.
«Так, я ведаю такога чалавека, — сказаў ён. — Але ён стала не працуе ў нас, ён вольная птушка, часам прыцягваўся да лекцый».
Але хто яго прыцягваў?
«Не памятаю. Бывае ж такое, што і самі выканкамы запрашаюць кагосьці выступаць. Але магу дакладна сказаць, што ў аблвыканкамах ён не выступаў. І ў прынцыпе, мо гады з два ён ужо не займаецца такімі выступамі», — расказвае Лінкін.
Якімі ведамі трэба валодаць, каб, як і Іваноў, пачаць чытаць лекцыі ідэолагам?
Лінкін тлумачыць, што «усё вырашаецца пасля персанальнай размовы», маўляў, «часам трэба нейкія словы прэзідэнта растлумачыць».
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў9
Каментары