Прадстаўнік АГП Дзмітрый Кавалгін балатуецца па Купрыянаўскай акрузе №21 у Мінску. У сваім фэйсбуку Дзмітрый выклаў звесткі, паводле якіх ён упэўнена перамагае па ўчастку №6 у асноўны дзень галасавання.
За Кавалгіна на гэтым участку 18 лютага прагаласавала 194 чалавекі, а за кандыдата ад улады, дырэктара «Белдзяржстраху» Сяргея Якубіцкага — 72 галасы.
Аднак разам з датэрміновым галасаваннем Якубіцкі нібыта атрымаў 711 галасоў, а Кавалгін усяго толькі 269.
Па словах Кавалгіна, з падліку галасоў было выдалена аж тры ягоныя назіральнікі. Аднаго з іх адвезлі ў РУУС.
* * *
18 лютага ў Беларусі адбыліся выбары дэпутатаў мясцовых саветаў. Паводле падлікаў ЦВК, на ўчасткі прыйшло 77% выбарцаў. 35% чалавек прагаласавала датэрмінова.
Назіральнікі фіксавалі шалёныя накруткі датэрміновай яўкі. Дайшло да таго, што на ўчастку ў «Студэнцкай вёсцы» Белдзяржуніверсітэта датэрмінова прагаласавалі 96,4%.
Была выкрытая так званая «схема 000-179»: некаторыя людзі, у якіх у пашпарты быў упісаны спецыяльны код, маглі незаконна галасаваць на розных участках.
Як і на ўсіх папярэдніх галасаваннях, у выбарчыя камісіі не ўключылі амаль нікога ад апазіцыі, а незалежным назіральнікам не давалі сачыць за падлікам галасоў.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары