Японская карпарацыя Sharp прэзентавала свой новы флагманскі смартфон — Aquos S3, які пазіцыянуецца як самы кампактны мабільны тэлефон з 6-цалевым дысплэем у свеце, што забяспечваецца вельмі тонкімі рамкамі: вышыня і шырыня складаюць 148,2 і 74,2 мм адпаведна.
Разрозненне IPS-дысплея Sharp Aquos S3 складае 2160×1080 пунктаў. Ён мае папулярныя сёння суадносіны бакоў 18:9 і «монабрыво» ўверсе. Смартфон таксама атрымаў падвойную фотакамеру 12+13 мегапікселяў і 16-мегапіксельную сэлфі-камеру, 4 ГБ аператыўнай і 64 ГБ убудаванае памяці.
Ёмістасць акумулятара складае 3200 мА*г, усталяваны працэсар — Snapdragon 630. Маецца падтрымка тэхналогіі хуткай зарадкі Quick Charge 3.0. У якасці АС ўсталяваная Android 8.0 з фірмовай абалонкай Smile UX.
У Тайвані, дзе Aquos S3 пачне прадавацца ўжо 1 красавіка, ён будзе каштаваць каля 330 еўра.
Чытайце таксама: На смартфонах Xiaomi з'явілася беларуская мова. Спрычынілася і «Наша Ніва»
«Міс Беларусь» усё больш нагадвае конкурс прыгажосці ў гарэме23
Каментары