DPA
Старшынёй Сацыял-дэмакратычнай партыі Нямечыны ўпершыню за ўсю 150-гадовую гісторыю стала жанчына Андрэа Налес. За яе аддалі свае галасы 414 дэлегатаў падчас партыйнага сходу ў Вісбадэне.
Раней Налес займала пасаду кіраўніка парламенцкай групы СДПГ.
Яе папярэднік Марцін Шульц абвясціў пра сваю адстаўку 13 лютага. «Я ўпэўнены, што Сацыял-дэмакратычная партыя Германіі на чале з Андрэа Налес заваюе свой ранейшы ўплыў», — заяўляў ён.
Андрэа Налес — 47 гадоў, яна вызнае каталіцызм. Была сябрам нямецкага парламента з 1998 года па 2002 год, а таксама з'яўляецца дзейным членам бундэстага з 2005 года. У 2009 годзе яе прызначылі генеральным сакратаром СДПГ. У 2013 г. яна стала федэральным міністрам працы і грамадскіх спраў.
Цяпер чытаюць
Асуджаны за «Гаюн» да хіміі брат Ігара Лосіка ўцёк з Беларусі1
Каментары