Фэстываль беларускaй бардаўскай ды аўтарскай песьні будзе праводзіцца 15 раз.
Фэстываль беларускaй бардаўскай ды аўтарскай песьні будзе праводзіцца 15 раз.
«Бардаўская восень 2008» у Бельску сёлета мае адмысловую праграма. Па‑першае, ён будзе доўжыцца 4 дні — з 24 па 27 кастрычніка. Па‑другое, гэтым разам не будзе конкурсу маладых бардаў, адбудуцца толькі канцэрты зорак. Абумоўлена гэта тым, што фестываль юбілейны.
Першы канцэрт адбудзецца ў пятніцу, 24 кастрычніка, у Бельскім доме культуры. У ім возьмуць удзел музыкі як з Беларусі, так і з Беласточчыны, — Алег Кабзар, Tамаш Суліма, Ilo&Friends, Зьміцер Вайцюшкевіч, Лявон Вольскі.
На наступны дзень у сталіцы «Восені» Бельску пройдзе адразу два канцэрты:
а 15‑гадзіне ў мясцовай Ратушы выступіць Алега Кабзара і адбудзецца сустрэча з гасцямі фэсту — паэткай Надзеяй Артымовіч, мастаком і паэтам Міхалам Анемпадыставым, дырэктарам Бельскага беларускага ліцэю Aндрэем Сцепанюком. А ўвечары, а 18‑й гадзіне, у Бельскім доме культуры пачнецца яшчэ адзін канцэрт, у якім возмуць удзел: гурт «Босае Сонца», Кася Камоцкая, Таццяна Беланогая, Аляксандр Памідораў, музычны праект «Народны альбом».
Першы і другі канцэрт з Бельскага дома культуры будзе транслявацца ў прамым эфіры на Радыё Рацыя.
Традыцыйна фэстываль «Бардаўскай восень 2008» не абмяжоўваецца канцэртамі ў самім Бельску.
26 кастрычніка ў сінагозе ў Орлі адбудзецца канцэрт Аляксандра Памідорава і Віктара Шалкевіча. Пачатак а 16‑й гадзіне.А ў Гайнаўскім музеі пройдзе прэзентацыя фільму «Нясі мяне восень, альбо барды ў Бельску» і сустрэча з рэжысёрам фільму Віктарам Корзунам. Завершыцца імпрэзы «Жаночым канцэртам» з удзелам Касі Камоцкай і Таццяны Беланогай.
І зноў‑такі традыцыйна, завершыцца «Бардаўская восень» жывым канцэрт у прамым эфіры Радыё Беласток, які адбудзецца 27 кастычніка. У канцэрце возмуць удзел Алег Кабзар, Аляксандр Памідораў і гурт «Босае Сонца».
Каментары