На прыпынках грамадскага транспарту ў Мінску з'явяцца схемы маршрутаў ФОТА
Схемы маршрутаў грамадскага транспарту «Мінсктранса» з'явіліся амаль на 30 прыпыначных пунктах, паведаміў карэспандэнту агенцтва «Мінск-Навіны» намеснік генеральнага дырэктара прадпрыемства Віктар Тозік.
На іх адлюстраваны трасы ўсіх маршрутаў камунальнага пасажырскага транспарту, якія праходзяць праз канкрэтныя прыпынкі. Зроблена гэта, каб пасажырам было лягчэй арыентавацца пры перамяшчэнні па горадзе.
— Вырабляюцца такія схемы ў філіяле нашага прадпрыемства, на Рамонтна-механічным заводзе, — адзначыў В. Тозік. — Пачалі размяшчаць іх у канцы жніўня, у першую чаргу на прыпынках, размешчаных каля выхадаў са станцый метро. Потым надыдзе чарга іншых прыпыначных пунктаў. Аднак нас турбуе, што некаторыя з расклееных схем ужо спрабуюць сапсаваць вандалы.
«Міс Беларусь» усё больш нагадвае конкурс прыгажосці ў гарэме23
Каментары