Інтэрпол накіраваў уладам Кітая афіцыйны запыт з просьбай даць інфармацыю аб статусе прэзідэнта арганізацыі Мэна Хунвэя, паведамляецца на старонцы Інтэрпола ў Twitter.
Statement by INTERPOL Secretary General Jürgen Stock pic.twitter.com/bRXYjDMCsc
«Інтэрпол праз афіцыйныя каналы праваахоўных органаў накіраваў запыт ўладам Кітая, каб атрымаць тлумачэнні аб статусе прэзідэнта Інтэрпола Мэна Хунвэя», — заявіў генеральны сакратар арганізацыі Юрген Сток, чые словы прыводзяцца ў заяве.
Ён падкрэсліў, што генеральны сакратарыят чакае ад Пекіна адказу і непакоіцца аб стане прэзідэнта Інтэрпола.
Кіраўнік Інтэрпола ў канцы верасня адправіўся ў Кітай, каб правесці там адпачынак, але не вярнуўся. Яго жонка падала ў паліцыю Францыі заяву аб яго знікненні.
Well China @PDChina if you ever wanted to start a WAR, this is how you do it. https://t.co/8klU00VMW9
Як піша РБК са спасылкай на газету South China Morning Post, кітайскія праваахоўнікі затрымалі кіраўніка Інтэрпола адразу пасля таго, як яго самалёт прызямліўся ў Кітаі. Газета адзначае, што пра прычыны затрымання Хунвэя невядома.
Хунвэя абралі прэзідэнтам Інтэрпола ў лістападзе 2016 года. Ён таксама з'яўляецца намеснікам міністра грамадскай бяспекі КНР. У розныя гады ён працаваў дырэктарам аддзела патрульнай паліцыі, кіраўніком дэпартамента кіравання дарожным рухам, намеснікам старшыні Нацыянальнай камісіі па кантролі над наркотыкамі, кіраўніком Нацыянальнага контртэрарыстычнага кіравання і генеральным дырэктарам берагавой аховы Кітая.
Цяпер чытаюць
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў1
Каментары