Віталь Варанко, які граў для Лукашэнкі на баяне, стаў удзельнікам «Дома-2» ВІДЭА
У вечаровым выпуску тэлешоу «Дом-2» 12 лістапада паказалі 27-гадовага музыку Віталя Варанко. Ён прыйшоў, каб знайсці «сапраўднае каханне», перадае intex-press.by.
На пытанне тэлевядучай, навошта «ўлюбёны музыкант Лукашэнкі» прыйшоў на тэлепраект, малады чалавек адказаў, што хоча будаваць адносіны з 23-гадовай Ірынай Пінчук і «ратаваць удзельнікаў ад дрэннага настрою».
Віталь Варанко патлумачыў, што ў звычайным жыцці часта гастраляваў, таму не мог ні з кім пабудаваць адносіны.
— Я ўвесь час пераязджаю, мяне ўвесь час атачаюць нейкія дзяўчаты. Гэта складана, і не кожны зразумее. Таму, думаю, мне падыдзе медыйны чалавек, — растлумачыў вядучай Віталь.
Дзяўчына, да якой прыйшоў Віталь, палічыла хлопца няшчырым і няўважлівым, але, нягледзячы на гэта, удзельнікі вырашылі пакінуць яго на тэлепраекце. Праз тыдзень будзе галасаванне, дзе героі телэбудаўніцтва будуць вырашаць, каго выгнаць. Ці застанецца Віталь на праекце, пакуль невядома.
Віталь Варонко — лаўрэат і пераможца шматлікіх міжнародных конкурсаў баяністаў. Музыка некалькі разоў удзельнічаў у беларускім адборачным туры «Еўрабачанне», выступаў на праектах «Голас» у некалькіх краінах і пабываў на шоу Britain’s Got Talent.
Нядаўна Варанко прадэманстраваў Лукашэнку магчымасці баяна-сінтэзатара беларускай вытворчасці, яны нават заспявалі разам.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары