Vital Varanko, jaki hraŭ dla Łukašenki na bajanie, staŭ udzielnikam «Doma-2» VIDEA
U viečarovym vypusku telešou «Dom-2» 12 listapada pakazali 27-hadovaha muzyku Vitala Varanko. Jon pryjšoŭ, kab znajści «sapraŭdnaje kachańnie», pieradaje intex-press.by.
Na pytańnie televiadučaj, navošta «ŭlubiony muzykant Łukašenki» pryjšoŭ na teleprajekt, małady čałaviek adkazaŭ, što choča budavać adnosiny z 23-hadovaj Irynaj Pinčuk i «ratavać udzielnikaŭ ad drennaha nastroju».
Vital Varanko patłumačyŭ, što ŭ zvyčajnym žyćci časta hastralavaŭ, tamu nie moh ni z kim pabudavać adnosiny.
— Ja ŭvieś čas pierajazdžaju, mianie ŭvieś čas atačajuć niejkija dziaŭčaty. Heta składana, i nie kožny zrazumieje. Tamu, dumaju, mnie padydzie miedyjny čałaviek, — rastłumačyŭ viadučaj Vital.
Dziaŭčyna, da jakoj pryjšoŭ Vital, paličyła chłopca niaščyrym i niaŭvažlivym, ale, niahledziačy na heta, udzielniki vyrašyli pakinuć jaho na teleprajekcie. Praz tydzień budzie hałasavańnie, dzie hieroi tiełebudaŭnictva buduć vyrašać, kaho vyhnać. Ci zastaniecca Vital na prajekcie, pakul nieviadoma.
Vital Varonko — łaŭreat i pieramožca šmatlikich mižnarodnych konkursaŭ bajanistaŭ. Muzyka niekalki razoŭ udzielničaŭ u biełaruskim adboračnym tury «Jeŭrabačańnie», vystupaŭ na prajektach «Hołas» u niekalkich krainach i pabyvaŭ na šou Britain's Got Talent.
Niadaŭna Varanko prademanstravaŭ Łukašenku mahčymaści bajana-sintezatara biełaruskaj vytvorčaści, jany navat zaśpiavali razam.
-
«Ščaślivaja, što advažyłasia na śvińniu, a nie naradzić druhoje dzicia». Biełaruska haduje mini-piha i nie moža naradavacca
-
Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie
-
Navukoŭcy raskryli tajamnicu rudych katoŭ, jakaja nie davała spakoju dziesiacihodździami
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj8
Kamientary