У Стамбуле адбылася перадача томаса аб аўтакефаліі кіраўніку Праваслаўнай Царквы Украіны ФОТА
Сусветны патрыярх Варфаламей ў Стамбуле перадаў томас аб аўтакефаліі Праваслаўнай Царквы Украіны мітрапаліту Кіеўскаму і ўсёй Украіны Епіфанію.
Цырымонія адбылася падчас літургіі ў патрыяршым храме Святога Георгія ў нядзелю.
Патрыярх Варфаламей перадаў мітрапаліту Епіфанію жазло мітрапаліта і томас аб аўтакефаліі Праваслаўнай Царквы Украіны.
Богаслужэнне правілі сумесна патрыярх Варфаламей і мітрапаліт Епіфаній. У храме прысутнічаў прэзідэнт Украіны Пятро Парашэнка, экс-прэзідэнт Віктар Юшчанка, старшыня Вярхоўнай Рады Андрэй Парубій і члены ўкраінскай дэлегацыі.
«Як пасля цемры начной зноў узыходзіць сонца, так і цяпер даўняя несправядлівасць дзякуючы мудрасці вашай усясвятасці і свяшчэннага сінода маці-царквы скасавана, а справядлівасць адноўлена… Пры падтрымцы ўкраінскай дзяржавы і нашага прэзідэнта падзел ліквідаваны, а адзінства адноўлена», — цытуе выступ мітрапаліта Епіфанія на цырымоніі «Украінская праўда».
Мітрапаліт Епіфаній таксама звярнуўся да маці-царквы і ўсіх мясцовых цэркваў з просьбай маліцца за мір ва Украіне.
Трансляцыю вяла ўкраінская служба Радыё «Свабода».
Цяпер чытаюць
Беларуская айцішніца Эля распрацавала свой рэцэпт сыркоў, падобных да тых, што з пандай. І паспяхова прадае іх у Варшаве1
Беларуская айцішніца Эля распрацавала свой рэцэпт сыркоў, падобных да тых, што з пандай. І паспяхова прадае іх у Варшаве
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары