У Хойніках п'яны мужчына спачатку збіў жонку на вачах у дзяцей, а потым ледзь не накінуўся на міліцыянтаў з нажом і сякерай
Драма адбылася ўдзень 12 студзеня. У міліцыю патэлефанавала жанчына і скрозь слёзы распавяла, што яе, на вачах у дваіх маленькіх дзяцей, збіў муж. Маці баялася за сваё жыццё. Калі на месца здарэння прыехала група затрымання Дэпартамента аховы, яна разам з дзецьмі хавалася ў спальні.
Раз'юшаны муж сустрэў супрацоўнікаў з нажом і сякерай у руках. Ён быў моцна п'яны і без бою здавацца не збіраўся. Прыйшлося выклікаць падмацаванне. 28-гадовага мужчыну папярэдзілі, што калі ён «пойдзе ў атаку», то група затрымання будзе ўжываць табельную зброю.
Абстаноўка ў звычайнай хойніцкай кватэры была гарачая. У выніку прыехаў другі нарад міліцыі, і дэбашыра пасля доўгіх перамоў усё ж такі ўдалося затрымаць.
Распачалі крымінальную справу. Мужчына быў раней судзімы.
Каментары