Яна пражыла 65 гадоў. Ніна Мацяш не толькі паэтка і аўтарка казак, яна пераклала на беларускую Мапасана, Сіменона, «Маленькага прынца» Сэнт-Экзюперы.
Яе знайшла сёння раніцай памерлай супрацоўніца сацыяльнай службы. Ніна Мацяш жыла ў Белаазёрску (Бярозаўскі р-н).
Паэтка пражыла 65 гадоў. Цягам доўгага часу яна была моцна абмежаваная ў руху.
***
Ніна Мацяш нарадзілася 20 верасня 1943 г. у Нівах (сёння Бярозаўскі р-н). Скончыла факультэт французскай мовы Мінскага дзяржаўнага педагагічнага інстытута замежных моў (праз хваробу мусіла браць акадэмічны адпачынак). У 1973-1977 гг. выкладала нямецкую мову ў Белаазёрскай прафесійна-тэхнічнай навучальні. Член СП СССР (з 1971).
Дэбютавала вершам у 1962 г.. Аўтарка некалькіх зборнікаў паэзіі «Агонь», «Удзячнасць», «Ралля суровая», «Прыручэнне вясны», «Поўны келіх» ды казак «Два браты і сякера», «Казка пра суседзяў, змяю і мядзведзя».
Перакладала з нямецкай, польскай, французскай. На беларускую пераклала творы пра камісара Мегрэ, а таксама "Маленькага прынца" Сэнт-Экзюперы, навелы Г. дэ Мапасана.
Каментары