Ці існуе Мома? Журналісты «НН» спрабуюць з ёй звязацца ВІДЭА
Пік папулярнасці Мома прыйшоўся на 2018 год: тады яе абмяркоўвалі і відэаблогеры, і СМІ. Асабліва калі нібыта па яе віне адбылося некалькі няшчасных выпадкаў: так, быццам пасля перапіскі з Мома скончыла жыццё самагубствам 12-гадовая жыхарка прыгарада Буэнас-Айрэса.
Што такое Мома?
Мома — гэта персанаж, скульптура маці-птушкі аўтарства Кейсукэ Айсавэ, а таксама чэлендж ў сістэме імгненнага абмену тэкставымі паведамленнямі WhatsApp (і часам іншых месенджарах). Тым, хто звязваецца з Мома па тэлефоне, прапануецца выканаць розныя экстрэмальныя заданні.

У Беларусі гульню згадалі наноў пасля таго, як з акна шматпавярховіка выпала пяцікласніца. Бацькі ў вайбер-чатах сыходзіліся ў тым, што ў самагубстве вінаватая вірусная гульня «Мома»: яе персанаж тэлефануе, перапісваецца з дзецьмі і пагражае забойствам ім і іх блізкім.
Следчы камітэт абверг чуткі, што Мома неяк тычыцца смерці школьніцы. Але ў некаторых беларускіх школах нават прайшлі бацькоўскія сходы, дзе бацькоў заклікалі сачыць за ліставаннем дзяцей у месенджарах і сасцетках.
Правяраем, ці так страшны чорт, як яго малююць і спрабуем звязацца з Мома па ўсіх асноўных нумарах, якія мы знайшлі ў сеціве.
Каментары