У Вільні пройдуць вучэнні з імітацыяй аварыі на БелАЭС: намячаецца эвакуацыя жыхароў
5 верасня ў Вільні адбудуцца вучэнні, якія імітуюць аварыю на БелАЭС, прадугледжана эвакуацыя жыхароў, піша Delfi.

Па словах дырэктара адміністрацыі Віленскага самакіравання Повіласа Падзярскіса, разглядаецца сцэнар з распаўсюджваннем радыяцыйнага заражэння ў радыусе 50 км ад АЭС — гэта зона ўключае ў сябе і Вільню.
«Сцэнар прадугледжвае імітацыю, што пэўную частку Вільні трэба эвакуіраваць, людзі будуць накіроўвацца на так званыя пункты санітарнай апрацоўкі, пункт будзе абсталяваны каля арэны Siemens. Мы там выканаем гэтую працэдуру: пераапранем людзей, пасадзім іх у аўтобусы і па вуліцы Укмергес адправім у кірунку Укмерге», — распавёў Падзярскіс.
Падчас вучэнняў паспрабуюць ацаніць гатоўнасць групы муніцыпальных прадпрыемстваў, іншых службаў да адпаведных пагроз, будуць імітавацца і кібернетычныя атакі.
-
У Расіі мастачку асудзілі на 20 гадоў за падрыхтоўку выбухоўкі на замову ўкраінскіх спецслужбаў
-
Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было». Той адказаў рэзка
-
У Эстоніі супрацоўніцу «Расіі сегодня» асудзілі на шэсць гадоў за дзяржздраду
Каментары