15 верасня пройдзе Мінскі паўмарафон — самы масавы забег у краіне
З года ў год ён становіцца ўсё больш папулярным не толькі сярод беларусаў, але і сярод замежных аматараў і прафесіяналаў бегу ў гарадскіх умовах.
Летась Мінскі паўмарафон пабіў рэкорд па колькасці ўдзельнікаў — 35 000 чалавек з 53 краін выйшлі на старт каля Палаца спорту.
Сярод удзельнікаў Мінскага паўмарафона заўсёды прысутнічаюць палітыкі, дыпламаты замежных дзяржаў, кіраўнікі буйных прадпрыемстваў i банкаў. Паўмарафон — гэта выдатная магчымасць плячо ў плячо прабегчы і з вядомымі беларускімі спартсменамі, папулярнымі тэлевядучымі, медыйнымі асобамі.
Варта асобна адзначыць самых дасведчаных удзельнікаў паўмарафона. Самым сталым удзельнікам леташняга забегу стаў Леанід Курковіч. Тады яму мінула 83 гады. А жыхар Маладзечна Аляксандр Цiмафейка — яшчэ адзін удзельнік з групы «70+» — пераадолеў 21 км за 1 гадзіну 57 хвілін 10 секундаў.
Сёлета афіцыйны бетынг партнёр Мінскага паўмарафона Букмекерская кантора Марафон вылучыла асобную намінацыю — «За фору маладому пакаленню». Самы сталы ўдзельнік забегу будзе ўзнагароджаны спецыяльным прызам.
Варта адзначыць, што з 9 верасня праходзіць ЭКСПА Мінскага паўмарафона, дзе можна атрымаць усю неабходную інфармацыю, набыць спартыўную экіпіроўку і тэхніку, а таксама перакусіць у адмысловым фуд-корце.
Яшчэ можна паспець зарэгістравацца на некаторыя катэгорыі Мінскага паўмарафона. Уся інфармацыя — на сайце мерапрыемства.
Каментары