У Катары — ЧС па лёгкай атлетыцы. Праз нечуваную спёку спаборніцтвы будуць позна вечарам, а марафон наогул у 23.59!
Чэмпіянат свету па лёгкай атлетыцы сёння стартуе ў сталіцы Катара горадзе Доха. Беларусь дэлегавала на турнір 30 атлетаў, зазначае БелТА.
З-за цяжкай спёкі арганізатары адмовіліся ад ранішніх сесій, таму спаборніцтвы будуць пачынацца вечарам. У пятніцу ў Катары +34 (па адчуваннях +41), ноччу будзе +32.
Сёння пачнуцца кваліфікацыі ў скачках з шастом, у вышыню, кіданні молата.
А жаночы марафон стартуе наогул у 23:59 (мясцовы час супадае з мінскім)! Медальныя надзеі беларусаў звязаныя з выступам Вольгі Мазуронак, Настассі Івановай і Святланы Кудзеліч.
Таксама ў складзе зборнай Беларусі — Таццяна Халадовіч (кап'ё), Максім Недасекаў (скачкі ў вышыню), Эльвіра Герман (100 м з бар'ерамі) і Настасся Мірончык-Іванова (скачкі ў даўжыню).
На ЧС у Пекіне-2015 беларусы выйгралі залаты і бронзавы медалі, а ў Лондане-2017 засталіся без узнагарод.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай31
Каментары