Беларускі брэнд адзення Normal выпусціў пяшчотнае відэа да Дня маці. У праекце зняліся маладыя мамы і цяжарныя жанчыны.
«Ідэя заключалася ў тым, каб паказаць, наколькі нашы мамы моцныя, нягледзячы на ўсе цяжкасці, наколькі прыгожы статус мацярынства і што жанчына атрымлівае, калі становіцца маці», — расказала праектная менеджарка брэнда Ніка Сардаран.
Натхненнем стала эпоха Адраджэння і адна з вядомых карцін таго перыяду — «Сіксцінская мадонна» Рафаэля.
У кожнай з жанчын, што зняліся ў праекце, свая гісторыя. Пра іх яны раскажуць у наступных роліках, якія рыхтуе брэнд. Хтосьці змог стаць маці толькі пасля трох няўдалых цяжарнасцяў, хтосьці сутыкнуўся з пасляродавай дэпрэсіяй. Іншыя гераіні падзеляцца пра тое, якое шчасце быць шматдзетнай і чакаць малое і назіраць за тым, як змяняецца тваё цела і вобраз думак.
Каментары