У Каталоніі праходзіць усеагульны страйк нязгодных з прысудамі дзевяці лідарам рэгіёну, якія выступаюць за яго незалежнасць ад Іспаніі. Пра гэта паведамляе El Pais.
Па звестках выдання, пяць калон пратэстоўцаў абмежавалі доступ да асноўных пад'язных дарог да Барселоны. У аэрапорце горада адмянілі 57 рэйсаў з 1 тысячы запланаваных. Акрамя гэтага ў сталіцы Каталоніі зачыніўся рынак Бакерыя.
⬛️⬜️ Barcelona desbordada #MarxesXLlibertat #ObjectiuIndependència pic.twitter.com/r8gXkzueIV
У запісе Нацыянальнага сходу Каталоніі у Twitter апублікавалі відэа аднаго з шэсцяў, арганізаваных у Барселоне.
El Periodico дадае, што да ўсеагульнага страйку заклікаюць прафсаюзы. Па звестках паліцэйскіх, каля 60 тыс. чалавек бяруць удзел у мітынгах у Жыроне. Газета адзначае, што ў некаторых кварталах Барселоны зачыніліся крамы, і трафік у горадзе скараціўся.
Пратэсты ў Каталоніі пачаліся 14 кастрычніка. Прычынай для грамадскіх хваляванняў стаў прысуд, які Вярхоўны суд Іспаніі вынес у дачыненні да дзевяцярых прыхільнікаў незалежнасці рэгіёна, іх прысудзілі да працяглых тэрмінаў пазбаўлення волі. Суд таксама выдаў ордар з патрабаваннем затрымаць і выдаць Іспаніі экс-кіраўніка каталонскага жэнералітэта Карлеса Пучдэмона, які цяпер жыве ў Бельгіі. Аднак той добраахвотна прыйшоў у пракуратуру Брусэля ў суправаджэнні адвакатаў і папрасіў не дапускаць яго экстрадыцыі.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай30
Каментары