У Індыі разыграўся скандал у сувязі з фатаграфіямі навучэнцаў каледжа, якія здаюць экзамены з кардонкамі на галовах, піша BBC.
Здымкі былі зробленыя падчас іспыта па хіміі ў падрыхтоўчым каледжы Бхагат у горадзе Хаверы ў штаце Карнатака.
На фота вучні сядзяць за партамі, на галовах у іх кардонкі, каб не было магчымасці спісваць.
Адміністратар каледжа папрасіў прабачэння за гэты інцыдэнт.
Паводле яго слоў, каледж пайшоў на гэтыя меры ў эксперыментальным парадку, даведаўшыся, што яны ўжываліся і ў іншых школах.
Ён таксама сцвярджаў, што гэта рабілася са згоды навучэнцаў і што яны самі прынеслі кардонкі.
«Ніякага прымуса не было. На здымках відаць, што не ўсе студэнты былі з кардонкамі на галовах, — сказаў адміністратар. — Некаторыя знялі іх праз 15 хвілін, і мы самі прапанавалі зняць іх праз гадзіну».
Кіраўнікі каледжа заявілі, што скончылі з гэтай практыкай і выконваюць распараджэнні мясцовых органаў адукацыі.
Цяпер чытаюць
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў6
Каментары