Пяць ракет ударылі ў нядзелю ўвечары па тэрыторыі пасольства ЗША ў Багдадзе, піша interfax.ru са спасылкай на тэлеканал Kurdistan 24.
«Пяць ракет з устаноўкі тыпу «Кацюша» ўдарылі па «зялёнай зоне», пацярпелых няма», — цытуе тэлеканал заяву іракскіх вайскоўцаў.
Тым часам іракскі тэлеканал Al-Sumaria кажа, што як мінімум тры чалавекі атрымалі раненні.
У «зялёнай зоне» Багдада знаходзяцца некалькі заходніх пасольстваў і ўрадавых устаноў, у тым ліку парламент, кабінет прэм'ер-міністра і прэзідыум.
Адзначаецца, што ў выніку абстрэлу ёсць разбурэнні.
У сваю чаргу выканаўца абавязкаў кіраўніка ўраду Іраку Адзіль Абдул Махдзі апублікаваў заяву, у якой асудзіў гэтае здарэнне, назваўшы яго «агрэсіяй».
На дадзены момант ніхто не ўзяў на сябе адказнасць за абстрэл.
Цяпер чытаюць
Ці атрымаецца ва ўладаў вярнуць дзяцей мігрантаў у беларускія школы? Наўрад ці, але яны спрабуюць — прымусова13
Каментары