Piać rakiet udaryli ŭ niadzielu ŭviečary pa terytoryi pasolstva ZŠA ŭ Bahdadzie, piša interfax.ru sa spasyłkaj na telekanał Kurdistan 24.
«Piać rakiet z ustanoŭki typu «Kaciuša» ŭdaryli pa «zialonaj zonie», paciarpiełych niama», — cytuje telekanał zajavu irakskich vajskoŭcaŭ.
Tym časam irakski telekanał Al-Sumaria kaža, što jak minimum try čałavieki atrymali ranieńni.
U «zialonaj zonie» Bahdada znachodziacca niekalki zachodnich pasolstvaŭ i ŭradavych ustanoŭ, u tym liku parłamient, kabiniet premjer-ministra i prezidyum.
Adznačajecca, što ŭ vyniku abstrełu jość razbureńni.
U svaju čarhu vykanaŭca abaviazkaŭ kiraŭnika ŭradu Iraku Adzil Abduł Machdzi apublikavaŭ zajavu, u jakoj asudziŭ hetaje zdareńnie, nazvaŭšy jaho «ahresijaj».
Na dadzieny momant nichto nie ŭziaŭ na siabie adkaznaść za abstreł.
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary