Шматлікі статак зуброў сёння раніцай выйшаў у полі паміж вёскамі Багушоўка і Агароднікі Гродзенскага раёна. Жывёл, хутчэй за ўсё, прыцягнулі сакавітыя азімыя, якімі яны вырашылі паласавацца. Статак у больш чым 50 галоў — гэта зубры Азёрскай мікрапапуляцыі. Жывёл пачалі разгадоўваць у 1998 годзе ў СВК «Азёры Гродзенскага раёна», і сёння іх налічваецца больш за трыста асобін, паведамляе rgazeta.by.
Зуброў становіцца ўсё больш з кожным годам, таму не дзіўна, што жывёлы ўсё часцей сталі выходзіць з лесу і трапляць у аб'ектывы камер. Мясцовыя жыхары, праўда, кажуць, што такога шматлікага статка яшчэ бачыць не даводзілася.
— Я тут жыву ўжо гадоў 30, але пры мне ў першы раз такая колькасць зуброў. Звычайна прабягаюць адзін-два, і то так, мімалётам. Часцей, вядома, ласёў назіраем, чым зуброў. Самім дзіўна на такі статак паглядзець! — распавёў жыхар вёскі Агароднікі Юрый.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары