У Ціхім акіяне вандруе чарговы лайнер з 1450 пасажырамі. Пяць краін адмовіліся яго прыняць з-за каранавіруса
Парты некалькіх краін адмовілі ў прыпынку лайнеру Westerdam круізнай кампаніі Holland America Line з-за сітуацыі з каранавірусам.
Судна адправілася ў двухтыднёвае падарожжа з Ганконга 1 лютага, аднак экіпаж пасля быў вымушаны адмяніць запланаваныя прыпынкі ў партах Тайваня, Японіі, Філіпінах і выспы Гуам па рашэнні ўладаў. Такім чынам, мясцовыя ўрады паспрабуюць спыніць магчымы распаўсюд хваробы.
Мяркуецца, што лайнер завершыць паездку ў чацвер, 13 лютага, у тайландскім партовым горадзе Лаем-Чабанг. У той жа час міністр аховы здароўя краіны Ануцін Чарнвіракул заявіў, што распарадзіцца аб адмове прыняць судна.
Адзначаецца, што Westerdam не закрыты на каранцін, а на яго борце знаходзяцца 1455 пасажыраў і 802 члены экіпажу — сярод іх няма заражаных каранавірусам. Вядома, што судна мае дастатковую колькасць паліва і прадуктаў да канца рэйса.
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе45
Каментары