Уладзімір Пуцін не прапаноўваў беларускаму калегу Аляксандру Лукашэнку аб'яднаць узначаленыя імі дзяржавы, заявіў РІА Навіны прэс-сакратар расійскага лідара Дзмітрый Пяскоў.
«Гэта не так, яны казалі аб паглыбленні саюзнай інтэграцыі», — сказаў афіцыйны прадстаўнік Крамля.
Пра тое, што расійскі прэзідэнт нібыта прапаноўваў Лукашэнку аб'яднаць Расію і Беларусь, каб стварыць звышдзяржаву, 12 лютага паведаміла агенцтва Bloomberg са спасылкай на дзве крыніцы ў Крамлі.
Гэты план абмяркоўваўся прэзідэнтамі яшчэ ў снежні мінулага года, але дамовіцца не ўдалося і на асабістай сустрэчу 7 лютага ў Сочы з-за катэгарычнай адмовы Лукашэнкі. Па словах суразмоўцаў агенцтва, дзякуючы такому сцэнару Пуцін мог бы застацца ва ўладзе і пасля заканчэння прэзідэнцкіх паўнамоцтваў як лідар новай Саюзнай дзяржавы.
Цяпер чытаюць
«Забіць яго ці адрэзаць яму яйкі я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе12
Каментары