Пра гэта ён заявіў сёння на сустрэчы з мітрапалітам БПЦ Веніямінам, піша БелТА.
Лукашэнка звярнуў увагу, што пратэстоўцы называюць сябе мірнымі, бо яны, па іх жа заявах, не парушаюць заканадаўства. Аднак грамадзяне выходзяць на няўзгодненыя, а значыць, незаконныя дэманстрацыі.
«Яны цяпер ужо нават не мірныя акцыі. Вы парушаеце грамадскі парадак, кідаецеся на міліцыю і іншае — там букет парушэнняў. Якія ж тут могуць быць паблажкі, калі вы парушаеце закон? — спытаў Лукашэнка. — Калі вы хочаце падыскутаваць: студэнты ў ВНУ сабраліся і абмеркавалі. Але я ж разумею, адкуль ногі растуць, хто ім падкідвае гэтыя ідэі: ідзіце на канфрантацыю, здымайце, у Telegram-каналы ўкідвайце — за гэта мы вам грошы дамо. Мы ж бачым гэта».
«Таму я не супраць іншадумства. Наадварот, усё маё жыццё сведчыць аб тым, што ў нас заўсёды былі розныя пункты гледжання і розныя меркаванні. Нават вось я кажу, што мы падтрымліваем усе канфесіі. А колькі іх, і злічыць цяжка», — дадаў Аляксандр Лукашэнка.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары