Кіраўнік місіі прызнаў, што ўплыў глабальнага крызісу на Беларусь узмацніўся з часу прыняцця праграмы крэдытнай дапамогі МВФ Беларусі ў студзені 2009 г.
Сёння пасля двухтыднёвай інспекцыі Беларусь пакінула місія МВФ.
У прэс‑рэлізе з гэтай нагоды кіраўнік місіі Крыс Джарвіс выказаў спадзеў на працяг дыскусіі з беларускімі ўладамі. Кіраўнік місіі прызнаў, што ўплыў глабальнага крызісу на Беларусь узмацніўся з часу прыняцця праграмы крэдытнай дапамогі МВФ Беларусі ў студзені 2009 г.
Вынік працы місіі вырашыць лёс наступнага траншу крэдыту МВФ памерам каля 400 млн даляраў. Чакаецца, што рашэнне на гэты конт будзе ўхваленае ў чэрвені.
***
Місія МВФ па маніторынгу рэалізацыі беларускім урадам антыкрызіснай эканамічнай праграмы працавала ў Менску з 29 красавіка па 13 траўня.
Ад вынікаў працы місіі залежыць лёс наступнага траншу крэдыту МВФ агульным памерам 2,46 млрд даляраў. Першы транш сумай 788 млн даляраў паступіў у Беларусь 14 студзеня.
Праграма эканамічных рэформ, пад якія выдзелены крэдыт МВФ, разьлічаная да красавіка 2010 году.
Каментары