Работнік банка на мытні «Бераставіца» забраў больш за 100 тысяч даляраў. Ён cказаў калегам, што выйдзе ненадоўга, пайшоў і больш не вярнуўся.
Справа на падставе ч. 4 арт. 211 Крымінальнага кодэкса (прысваенне або растрата) распачата ў дачыненні да спецыяліста па аперацыйна‑касавай працы аднаго з банкаў у пункце пропуску «Бераставіца» на беларуска‑польскай мяжы.
Як паведамілі БелаПАН ва УУС Гродзенскага аблвыканкама, у ноч з 23 на 24 мая
25‑гадовы жыхар Бераставіцкага раёна пакінуў працоўнае месца, папярэдзіўшы калег, што ненадоўга выйдзе.Аднак больш у пункт мытнага афармлення ён не з’явіўся.
Высветлілася, што малады чалавек прыхапіў з сабой 22.685 даляраў, 57.429 еўра, 9.500 рублёў Цэнтрабанка РФ, 2.730 польскіх злотых і больш за 19,5 млн. беларускіх рублёў.
Банкаўскі служачы аб’яўлены ў вышук.
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства13
Каментары