Пра гэта ён заявіў на нарадзе, сказаўшы, што спецслужбы краіны прадухілілі спробы «ўзрываць дамы і вуліцы», а таксама раскрылі каналы пастаўкі боепрыпасаў і выбухоўкі.
«Ёсць нязгодныя, зразумела. Але ёсць жа парушальнікі закона. Пад гэта ж падлезлі многія, і асабліва баевікі — групы. Вось з часам Камітэт дзяржбяспекі апублікуе факты, як спрабавалі не проста падарваць абстаноўку маральна неяк, яшчэ неяк, а як спрабавалі ўзрываць дамы і вуліцы ў нас у краіне, і адкуль ішлі боепрыпасы, выбухоўка. Цалкам адноўлены ланцужкі, затрыманыя людзі, якія праз мяжу вадзілі іх», — цытуе словы Лукашэнкі прэс-служба.
Ён не стаў раскрываць інфармацыю, датычную да канкрэтных імёнаў і груп.
— Некаторыя ўжо вядомыя. Я думаю, з часам, у найбліжэйшы час, мы ўжо гатовыя будзем гэта прадэманстраваць нашаму грамадству — паабяцаў ён.
— І вось калі б хоць адзін дом яны ўзарвалі, то нашы ачумелыя ў Мінску, якія ўжо так перажывалі за гвалт, многае б зразумелі. Але дзякуй КДБ і міліцыі. Ва ўзаемадзеянні яны нейтралізавалі гэтых дзеячаў. Шчыра кажучы, у нас падазрэнне ёсць на некаторыя групы, але мы не ўпэўненыя, што бачым і ведаем усіх. І мы не можам іх ведаць, бо закінуць да нас людзей са зброяй і боепрыпасамі, выбухоўкай ніякіх праблем няма — як і ў любую іншую краіну, — дадаў Лукашэнка.
Ён яшчэ раз падкрэсліў, што дзеянні ўлады і яго асабіста былі накіраваныя ў першую чаргу на абарону краіны.
— Ні ў якім разе нельга расслабляцца. Нам людзі ніколі не даруюць нашай бязладнасці. Тое, што мы дзейнічалі жорстка, абараняючы сваю краіну, ужо многія зразумелі. А астатнія зразумеюць. І мяне ў тым папракаць не трэба, што я абараняў сваю краіну. Гэта мае канстытуцыйныя абавязкі. І я буду абараняць, чаго б мне гэта ні каштавала. Трэба — на танку, БМП, з аўтаматам у руках.
Цяпер чытаюць
Найбуйнейшую сетку фастфуду ў Беларусі адкрыў выхадзец з КДБ3
Каментары