«Усе, хто непрадузята вывучаў гісторыю другой сусветнай вайны, ведаюць, што яна пачалася з-за адмовы Польшчы задаволіць германскія прэтэнзіі».
На сайце Мінабароны Расіі з’явіўся тэкст, аўтар якога вінаваціць Польшчу ў пачатку другой сусветнай вайны. Дакумент даступны ў раздзеле «Электронная версія „Военно-исторического журнала“» пад загалоўкам «Вымыслы й фальсіфікацыі ў ацэнках ролі СССР напярэдадні й з пачаткам другой сусветнай вайны».
Як піша аўтар артыкулу, начальнік навукова-даследчага аддзела ваеннай гісторыі Паўночна-Заходняга рэгіёна РФ Інстытута ваеннай гісторыі Міністэрства абароны, кандыдат гістарычных навук Сяргей Кавалёў, «усе, хто непрадузята вывучаў гісторыю другой сусветнай вайны, ведаюць, што яна пачалася з-за адмовы Польшчы задаволіць германскія прэтэнзіі».
«Аднак менш вядома, чаго ж менавіта дамагаўся ад Варшавы Адольф Гітлер.
Між тым, патрабаванні Германіі былі даволі ўмеранымі:уключыць вольны горад Данцыг у склад Трэцяга рэйха, дазволіць пабудову экстратэрытарыяльнай шашэйнай дарогі й чыгункі, якія звязалі б Усходнюю Прусію з асноўнай часткай Нямеччыны», — піша Кавалёў.
Паводле слоў аўтара працы, гэтыя патрабаванні «цяжка назваць неабгрунтаванымі», бо «пераважную большасць жыхароў адарванага ад Нямеччыны паводле Версальскай мірнай дамовы Данцыга складалі немцы, якія шчыра хацелі ўз’яднання з гістарычнай радзімай».
Разам з тым, піша Кавалёў, «імкнучыся атрымаць статус вялікай дзяржавы, Польшча ніякім чынам не хацела станавіцца меншым партнёрам Нямеччыны», таму гэтыя патрабаванні былі адрынутыя.
У звязку з гэтым варта прыгадаць, што ў сярэдзіне траўня прэзыдэнт Расіі Дзмітрый Мядзведзеў падпісаў указ пра стварэнне камісіі пры прэзідэнце «па супрацьдзеянні спробам фальсіфікацыі гісторыі на шкоду інтарэсам Расіі», паведамляе Лента.Ру.
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары