Галоўчанка абвінаваціў Захад у імкненні перашкодзіць эканамічнаму развіццю ЕАЭС
Прэм'ер-міністр Беларусі Раман Галоўчанка выказаў перакананне ў тым, што заходнія краіны імкнуцца затармазіць эканамічнае развіццё ў краінах ЕАЭС, у тым ліку з дапамогай санкцый, паведамляе Інтэрфакс
«Пад любымі падставамі так званы калектыўны Захад імкнецца прытармазіць наша эканамічнае развіццё. Уводзяцца санкцыі, блакуецца фінансаванне і рэалізацыя важных інфраструктурных праектаў, забараняецца перадача тэхналогій, спыняецца пастаўка тэхналогій, неабходных для вытворчасці перадавой прадукцыі і камплектуючых. Аналагічная сітуацыя і з доступам на знешнія рынкі», — заявіў Галоўчанка ў пятніцу на пасяджэнні Еўразійскага міжурадавага савета ў Алматы (Казахстан).
Прэм'ер-міністр Беларусі выказаў здагадку, што такая сітуацыя стварае перадумовы для актыўнага развіцця імпартазамяшчэння: «у першую чаргу, гэта датычыцца стратэгічнай прадукцыі і тэхналогій».
«Знешні свет імкліва змяняецца, пратэкцыянізм імкліва ўзмацняецца, і асабліва гэта характэрна для нашых заходніх партнёраў. Таму лічу своечасовым уключэнне ў парадак дня пытанняў, якія мы грунтоўна разгледзелі ў вузкім складзе. З улікам цяперашніх рэалій нам неабходна не толькі імкнуцца да заключэння новых гандлёвых пагадненняў, але і ўмець абараняць свае правы ва ўзаемаадносінах з трэцімі краінамі, абараняць менавіта як блок, як саюз», — сказаў Галоўчанка.
У сувязі з гэтым, на яго думку, важнае значэнне мае пытанне аб механізме прымянення мер у адказ на ўзроўні ЕАЭС у выпадку, калі стандартная працэдура ў вырашэнні спрэчак, прадугледжаная дзейнымі міжнароднымі дамовамі, аказваецца заблакаванай у сілу непрадбачаных абставін або несумленных дзеянняў трэціх краін.
Цяпер чытаюць
70-гадовую жанчыну з Гомеля пасадзілі за каментары. Гэта самая пажылая палітзняволеная15
Каментары