Дзяржаве ўдалося захаваць вытворчасць мотавелатэхнікі ў краіне, і яна мае намер развіваць гэты кірунак. Пра гэта заявіў дырэктар мотавелазавода Мікалай Ладуцька ў эфіры АНТ.
«Завод жывы і будзе жыць. Учора разглядалі пытанне (на нарадзе ў Лукашэнкі па пытаннях развіцця айчыннай мотавелатэхнікі) не на пустым месцы: ён захаваны і функцыянуе, працуе», — сказаў Мікалай Ладуцька.
Дырэктар мотавелазавода адзначыў, што цяпер на прадпрыемстве працуюць каля 120 чалавек. Прапрацоўваецца план развіцця вытворчасці. Чакаецца, што на працягу некалькіх гадоў штат вырасце да 300-400 спецыялістаў.
Аднак гэтыя словы выклікаюць сумненне.
Нагадаем, што ў 2007 годзе на Мотавелазаводзе працавала больш за 2500 чалавек. Тады яго набыла кампанія ATEC Holding Аляксандра Мураўёва. У 2015 годзе бізнэсоўца затрымалі, а завод вярнулі дзяржаве.
Кіраваць прадпрыемствам прызначылі экс-кіраўніка Мінска Мікалая Ладуцьку, якога з разносам знялі з высокай пасады. У 2018 годзе Эканамічны суд Мінска прызнаў ААТ «Мотавела» банкрутам.
Дэлегатка КР Карпушонак пасля маўчання апублікавала відэа31
Каментары