Мінздароўя часова забараніла ўвозіць і прадаваць у Беларусі некаторую прадукцыю Nivea
У Беларусі ўведзеная часовая санітарная мера па забароне ўвозу і абарачэння асобных найменняў парфюмерна-касметычнай прадукцыі гандлёвага знака Nivea. Гэтую пастанову падпісаў 6 красавіка намеснік міністра — галоўны дзяржаўны санітарны доктар Аляксандр Тарасенка, паведамляе Мінздароўя ў сваім тэлеграм-канале.
«Спецыялісты санітарна-эпідэміялагічнай службы выявілі шэраг парушэнняў, якія тычацца, у тым ліку, продажу такой прадукцыі без дакументаў, якія сведчаць пра якасць і бяспеку, невыканання яе тэрміну прыдатнасці і адсутнасці з боку суб'ектаў гаспадарання вытворчага кантролю ў дачыненні да гэтай парфумерна-касметычнай прадукцыі. Па асобных назвах парфюмерна-касметычнай прадукцыі гандлёвага знака Nivea ўстаноўлена неадпаведнасць патрабаванням Тэхнічнага рэгламенту Мытнага саюза. У прыватнасці, маркіроўка не ўтрымлівае інфармацыі аб назве і месцы знаходжання арганізацыі, упаўнаважанай вытворцам на прыняцце прэтэнзій ад спажыўца, альбо назва прадукцыі не адпавядае яе складу, што не дазваляе ў поўнай меры забяспечыць абарону правоў спажыўцоў і атрымаць дакладную інфармацыю аб тавары, што спажывец набывае», — гаворыцца ў паведамленні.
Цікава, што Nivea ў студзені заявіла, што не будзе спансіраваць ЧС па хакеі, калі ён пройдзе ў Мінску.
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў32
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары