Імя яшчэ аднаго мегапапулярнага выканаўцы знікла з афіш «Славянскага базару»
Алег Віннік і Эліна Івашчанка зніклі з праграмы «Славянскага базару ў Віцебску». Івашчанка прадстаўляла Украіну летась і заняла першае месца ў конкурсе маладых выканаўцаў, а таксама атрымала прэмію Аляксандра Лукашэнкі «Славянская надзея». Пра гэта паведамляюць «Народныя навіны Віцебска».
Украінскія выканаўцы Віннік і Івашчанка, якія нядаўна прадставілі сумесны трэк «Діаманти», былі заяўлены ў гала-канцэрце ўрачыстага закрыцця фестывалю, аднак цяпер іх у афішы «Славянскага базару» няма.
Ні ва ўкраінскай прэсе, ні на афіцыйных старонках Алега Вінніка і Эліны Івашчанка ніякіх паведамленняў аб тым, што яны адмовіліся ад выступу ў Віцебску, знайсці не ўдалося.
Інтрыгі дадае той момант, што маладая спявачка ў мінулым годзе брала ўдзел у конкурсе маладых выканаўцаў «Віцебск-2020». Пры гэтым яна не толькі заняла першае месца, але і стала лаўрэаткай спецыяльнай прэміі Аляксандр Лукашэнкі «Славянская надзея». А сам Віннік выступаў на фестывалі ў 2018 годзе, выкладаў фота з Віцебска ў сваім інстаграме.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары