Кіраўнік расійскага Банка ВТБ Андрэй Косцін лічыць, што Расія не мае дачынення да пасадкі самалёта Ryanair Афіны — Вільня ў Мінску 23 мая, пасля чаго быў затрыманы журналіст Раман Пратасевіч.
«Я не думаю, што мы для Лукашэнкі ловім у яго ж небе апазіцыянераў. Я не магу ўявіць, што мы нейкім чынам у гэтым удзельнічалі — не наша паветраная прастора, не наш самалёт», — сказаў Косцін у інтэрв'ю РБК.
Але праз гэты выпадак «зараз зноў» да Расіі могуць «прычапіцца», адзначае Косцін, адказваючы на пытанне аб пазіцыі Адміністрацыі прэзідэнта ЗША Джо Байдэна ў дачыненні да Расіі.
«Хацелася б усё ж такі, каб ад нас адсталі ў гэтым пытанні і ацэньвалі сапраўды па нашых справах, — разважае ён. — Калі што не так, заўсёды можна дамовіцца, паправіць. Цяпер ужо ўзровень узаемаадносін такі, што, на жаль, складана здаровы сэнс часам вылучыць. І ўсё ж вельмі спадзяюся, што ён пераможа.
Вы ж самі ведаеце настрой нашага грамадства, ды і нашага кіраўніцтва: у нас няма нічога антыамерыканскага і не было. Мы мірныя людзі. Расія не з'яўляецца краінай-агрэсарам. Калі б да нас не лезлі, мы б і не агрызаліся. Думаю, мы можам разлічваць на іншае стаўленне да сябе».
Топ-менеджар, паводле ўласнага прызнання, «не хоча верыць у тое, што Захад прыпіша гэта Расіі, ды яшчэ і ўвядзе нейкія санкцыі», і характарызуе сітуацыю як «геапалітыку».
Інфармацыі аб нейкіх магчымых санкцыях у дачыненні да банка ВТБ у яго няма, і ён лічыць «іх малаверагоднымі, бо гэта зусім далёка ад нас». «Будзем глядзець», — сказаў на заканчэнне ён.
***
ВТБ — адзін з найбуйнейшых банкаў Расіі, па аб'ёмах актываў ён саступае «Сбербанку».
Чытайце таксама:
Мядзведзеў: Расія стамілася ад канфрантацыі з Захадам
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары