Kiraŭnik rasijskaha Banka VTB Andrej Kościn ličyć, što Rasija nie maje dačynieńnia da pasadki samalota Ryanair Afiny — Vilnia ŭ Minsku 23 maja, paśla čaho byŭ zatrymany žurnalist Raman Pratasievič.
«Ja nie dumaju, što my dla Łukašenki łovim u jaho ž niebie apazicyjanieraŭ. Ja nie mahu ŭjavić, što my niejkim čynam u hetym udzielničali — nie naša pavietranaja prastora, nie naš samalot», — skazaŭ Kościn u intervju RBK.
Ale praz hety vypadak «zaraz znoŭ» da Rasii mohuć «pryčapicca», adznačaje Kościn, adkazvajučy na pytańnie ab pazicyi Administracyi prezidenta ZŠA Džo Bajdena ŭ dačynieńni da Rasii.
«Chaciełasia b usio ž taki, kab ad nas adstali ŭ hetym pytańni i aceńvali sapraŭdy pa našych spravach, — razvažaje jon. — Kali što nie tak, zaŭsiody možna damovicca, papravić. Ciapier užo ŭzrovień uzajemaadnosin taki, što, na žal, składana zdarovy sens časam vyłučyć. I ŭsio ž vielmi spadziajusia, što jon pieramoža.
Vy ž sami viedajecie nastroj našaha hramadstva, dy i našaha kiraŭnictva: u nas niama ničoha antyamierykanskaha i nie było. My mirnyja ludzi. Rasija nie źjaŭlajecca krainaj-ahresaram. Kali b da nas nie leźli, my b i nie ahryzalisia. Dumaju, my možam raźličvać na inšaje staŭleńnie da siabie».
Top-mieniedžar, pavodle ŭłasnaha pryznańnia, «nie choča vieryć u toje, što Zachad prypiša heta Rasii, dy jašče i ŭviadzie niejkija sankcyi», i charaktaryzuje situacyju jak «hieapalityku».
Infarmacyi ab niejkich mahčymych sankcyjach u dačynieńni da banka VTB u jaho niama, i jon ličyć «ich małavierahodnymi, bo heta zusim daloka ad nas». «Budziem hladzieć», — skazaŭ na zakančeńnie jon.
***
VTB — adzin z najbujniejšych bankaŭ Rasii, pa abjomach aktyvaŭ jon sastupaje «Śbierbanku».
Čytajcie taksama:
Miadźviedzieŭ: Rasija stamiłasia ad kanfrantacyi z Zachadam
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary