У Палаце прадстаўнікоў ствараецца рабочая група па распрацоўцы прапаноў па ўвядзенні мараторыя на смяротную кару.
У Палаце прадстаўнікоў ствараецца рабочая група па распрацоўцы прапаноў па ўвядзенні мараторыя на смяротную кару.
Аб гэтым 29 чэрвеня на прэс‑канферэнцыі ў Мінску паведаміў старшыня парламенцкай камісіі па нацыянальнай бяспецы Віктар Гумінскі.
У той жа час ён заўважыў, што «аб канкрэтных прапановах па гэтым пытанні з боку парламента гаварыць рана». Чакаецца, што ўзначаліць працоўную групу сам Гумінскі.
Увядзенне мараторыя на смяротную кару — адно з патрабаванняў Парламенцкай асамблеі Савета Еўропы для аднаўлення беларускаму парламенту статусу спецыяльнага запрошанага ў ПАСЕ. Такое рашэнне было прынята 23 чэрвеня ў Страсбургу.
Паводле звестак Вярхоўнага суда, у 2008 годзе да пажыццёвага зняволення ў Беларусі было прыгаворана сем чалавек, да смяротнай кары — два.
Падчас усебеларускага рэферэндуму 1996 года большасць грамадзян Беларусі выказаліся супраць адмены смяротнай кары.
Каментары