Гісторыя

Выйшла карта-даведнік «Мінск-гістарычны» — з гістарычнымі назвамі вуліц, помнікамі і картай Замчышча

Беларускі краязнаўца Іван Сацукевіч стварыў карту-даведнік «Мінск-гістарычны», што выйшаў у выдавецтве «Белкартаграфія».

Карта-даведнік невялікая. Гэта ўсяго дзве старонкі памерам 65 на 94 см.

У чым яе адметнасць?

«Пачнём з таго, што яна такая першая — гістарычная. Да гэтага сотнямі выпускаліся аўтамабільныя, турыстычныя, транспартныя карты. А яна — гістарычная. Яе мэта — прадэманстраваць чытачу гістарычную спадчыну Мінска ва ўсёй разнастайнасці: помнікі археалогіі, помнікі асобам і падзеям з нашай гісторыі, манументы і мемарыялы, помнікі архітэктуры, зніклыя могілкі, гістарычныя назвы вуліц, мастоў, плошчаў, прадмесцяў», — тлумачыць Іван Сацукевіч.

На карце краязнаўца пазначыў вёскі, якія ўвайшлі ў склад горада (з годам уваходжання), указаў межы Замчышча.

«Уявіце, дзе іх можна яшчэ ўбачыць — толькі ў маладаступнай навуковай літаратуры», — каментуе ён.

Таксама паказаны граніцы Мінска на 1900 і 1950 гады, межы яўрэйскага гета на пачатак вайны.

Краязнаўца асобна падрыхтаваў невялікую храналогію найважнейшых датаў і перыядаў гісторыі горада; кароткія апісанні найважнейшых помнікаў, манументаў, мемарыялаў, архітэктурных помнікаў.

«На жаль, усе і блізка не памясціліся, прыходзілася выбіраць», — прызнаецца ён.

З аднаго боку даведніка можна ўбачыць карту ўсяго Мінска з пазначанымі і апісанымі помнікамі, якія не ўвайшлі ў цэнтральную частку. З другога — помнікі і іх апісанні цэнтральнай часткі.

«Самае складаная для рэалізацыі — ідэя на карце цэнтральнай часткі. Трэба было паказаць чырвоным колерам тыя будынкі, якія з'яўляюцца помнікамі архітэктуры, а шэрым — астатнія, — тлумачыць Сацукевіч. — Дапускаю, што ёсць некалькі памылак, бо інфармацыя вельмі супярэчлівая. Акрамя таго, часта адна частка будынка па адным і тым ж адрасе — помнік, а другая — не. Але гэтыя хібы можна выправіць у наступных перавыданнях».

Такім чынам, гэтая карта-даведнік — першая спроба стварыць невялікі па аб'ёме дапаможнік па гісторыі Мінска для ўсіх, хто ёй цікавіцца.

«Я ўдзячны галоўнаму рэдактару «Белкартаграфіі» Галіне Ляхавай, што яна паверыла ў гэты абсалютна новы праект і смела пайшла на яго рэалізацыю. Як і ўсім супрацоўнікам «Белкартаграфіі», якія працавалі над ёй. Упэўнены, што карту-даведнік чакаюць перавыданні», — кажа аўтар.

Каментары

Цяпер чытаюць

Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала11

Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала

Усе навіны →
Усе навіны

«Не бачыў іншага выйсця». Бацька праз суд вырашыў адмовіцца ад праблемнага сына6

У Ашмянах хлопец расказаў жонцы пра сваю здраду. Той таксама было што расказаць — заведзена крыміналка28

Агент Дудкін расказаў, якія агенты самыя небяспечныя. Спойлер: не ён9

Украінскія мужчыны сталі актыўней збягаць у Беларусь9

Як 23-гадовы хлопец з гомельскай вёскі збірае сотні мільёнаў праглядаў на каскадзёрскіх труках і мае кантракт з Red Bull5

Польскі салдат паранены на мяжы з Беларуссю пры спробе спыніць мігрантаў4

Максім Харошын з жонкай адкрылі бар на Мадэйры. Колькі гэта каштавала?13

«Гэта гучыць горда і статусна». Рэктар Беларускага дзяржаўнага ўніверсітэта замежных моў пра перайменаванне ВНУ8

«За 500 рублёў ляцеў у Мінск з Магілёва на самалёце». Мінчук па парадку аб’ехаў усе месцы з беларускіх купюр4

больш чытаных навін
больш лайканых навін

Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала11

Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала

Галоўнае
Усе навіны →

Заўвага:

 

 

 

 

Закрыць Паведаміць