Зорка польскага фільма «Божае цела» закрычаў на поўны голас у Еўрапарламенце ў падтрымку Беларусі
Еўрапейская кінаакадэмія ўручыла прэміі за найлепшыя фільмы. Пераможцу абвясцілі 9 чэрвеня падчас пленарнага пасяджэння Еўрапарламента.
Прэмію LUX European Audience Award за 2021 год атрымаў фільм «Калектыў» (рэжысёр Аляксандр Нанаў). Другое месца заняў фільм «Божае Цела» Яна Камасы.
Барташ Бяленя, які сыграў у «Божым целе» галоўную ролю крымінальніка Даніэля, які выдаваў сябе за святара Патрыка, атрымліваючы ўзнагароду, прысвяціў свой выступ Беларусі, піша Радыё Свабода.
— Я з Польшчы [акцёр нарадзіўся і вучыўся ў Беластоку]. Польшча знаходзіцца на мяжы ЕС і Беларусі. За гэтай мяжой катавалі людзей. Што я магу зрабіць сёння, дык гэта далучыць свой голас салідарнасці да Яны Шостак, — сказаў ён.
Затым ён стаў крычаць. Дэпутаты сустрэлі гэта апладысментамі.
— «Няхай жыве Беларусь!» — выгукнуў ён у канцы.
Беларуская мастачка з Гродна Яна Шостак жыве ў Польшчы. Яна запачаткавала перформансы-крыкі, якія называе «крыкатэрапіяй». Мастачка хвілінамі з усяе сілы крычыць у розных гарадах, каб прыцягнуць увагу да сітуацыі ў Беларусі.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары