Zorka polskaha filma «Božaje cieła» zakryčaŭ na poŭny hołas u Jeŭraparłamiencie ŭ padtrymku Biełarusi
Jeŭrapiejskaja kinaakademija ŭručyła premii za najlepšyja filmy. Pieramožcu abviaścili 9 červienia padčas plenarnaha pasiadžeńnia Jeŭraparłamienta.
Premiju LUX European Audience Award za 2021 hod atrymaŭ film «Kalektyŭ» (režysior Alaksandr Nanaŭ). Druhoje miesca zaniaŭ film «Božaje Cieła» Jana Kamasy.
Bartaš Bialenia, jaki syhraŭ u «Božym ciele» hałoŭnuju rolu kryminalnika Daniela, jaki vydavaŭ siabie za śviatara Patryka, atrymlivajučy ŭznaharodu, pryśviaciŭ svoj vystup Biełarusi, piša Radyjo Svaboda.
— Ja z Polščy [akcior naradziŭsia i vučyŭsia ŭ Biełastoku]. Polšča znachodzicca na miažy ES i Biełarusi. Za hetaj miažoj katavali ludziej. Što ja mahu zrabić siońnia, dyk heta dałučyć svoj hołas salidarnaści da Jany Šostak, — skazaŭ jon.
Zatym jon staŭ kryčać. Deputaty sustreli heta apładysmientami.
— «Niachaj žyvie Biełaruś!» — vyhuknuŭ jon u kancy.
Biełaruskaja mastačka z Hrodna Jana Šostak žyvie ŭ Polščy. Jana zapačatkavała pierformansy-kryki, jakija nazyvaje «krykaterapijaj». Mastačka chvilinami z usiaje siły kryčyć u roznych haradach, kab pryciahnuć uvahu da situacyi ŭ Biełarusi.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary