Беларусь не атрымае паўмільярда даляраў ад еўрапейскіх банкаў на дарожныя праекты
Праз еўрапейскія санкцыі аказаліся заблакаванымі банкаўскія сродкі, за кошт якіх меркавалася прафінансаваць шэраг буйных праектаў, звязаных з рамонтам і пракладваннем дарог, мастоў ды развязак.
Як расказаў у эфіры «Беларусь-1» міністр транспарту і камунікацый Аляксей Аўраменка, у сувязі з гэтым уладам давядзецца шукаць новыя крыніцы фінансавання. Гаворка сама меней пра паўмільярда даляраў, піша Радыё Свабода.
Чыноўнік удакладніў, што пад шэраг праектаў ужо былі падпісаныя крэдытныя пагадненні з еўрапейскімі банкамі, аднак праз абвешчаныя санкцыі сёння такія фінансавыя ўгоды немагчымыя.
Гаворка пра дарогі:
- М3 Мінск — Віцебск,
- Р46 ад Лепеля да Полацка з будаўніцтвам абыходу і новага моста,
- М7 Мінск — мяжа Літвы.
Паводле міністра, дзеля рэалізацыі запланаваных аб'ёмаў рамонту і аднаўлення дарожнай інфраструктуры ведамства пачало перамовы з Еўразійскім банкам развіцця і Экспартна-імпартным банкам Кітая.
Сёлета дарожнікі плануюць завершыць рэканструкцыю дарогі Р53 да Смалявічаў і рамонт Р23 ад Слуцка да Салігорска.
У планах Міністэрства транспарту і камунікацый штогод прыводзіць да ладу прыкладна 1000 кіламетраў аўтадарог.
Цяпер чытаюць
Міліцыя сцвярджае, што канцэрт у Мінску прыйшлі 120 тысяч чалавек ВІДЭА19
Каментары