Рагозін запрасіў Ілана Маска да сябе дахаты. Хоча пагутарыць пра даследаванне Сусвету, пазазямное жыццё і космас
Маск, здаецца, прыняў запрашэнне.
Дзмітрый Рагозін, кіраўнік расійскага агенцтва «Раскосмас», запрасіў гендырэктара SpaceX Ілана Маска сустрэцца ў Расіі ў сябе дома. Нечаканая заява прагучала у інтэрв’ю Рагозіна для CNN.
Кіраўнік «Раскосмаса» ў размове з журналістамі паведаміў, што Маск ажыццяўляе шмат ідэй, якія хацелі б ажыццявіць прадстаўнікі расійскай касмічнай індустрыі. Рускія нібыта не здолелі гэта зрабіць праз адкат у касмічнай праграме, які здарыўся пасля распаду СССР, піша Daily Mail.
Рагозін дадаў, што ён запрашае Маска да сябе дахаты, каб пагутарыць пра даследаванне Сусвету, пазазямное жыццё і тое, як можна выкарыстоўваць космас, каб абараніць жыццё на Зямлі. У дадатак шэф расійскай касманаўтыкі паведаміў, што ён «ужо паставіў чайнік».
Маск адказаў на запрашэнне Рагозіна ў твітары: падзякаваў і спытаў, які чай больш падабаецца расійскаму менеджару. У адказ той прапанаваў пачаць з любімага чаю сваёй бабулі і размясціў фота чая «Тры сяброўскія сланы».
Не ўсе карыстальнікі твітару ацанілі перапіску менеджараў касмічных індустрый. Так, у каментарах да твіту Рагозіна гучалі пытанні пра тое, ці будзе прысутнічаць на сустрэчы Навальны (расійскі палітык, быў атручаны год таму), а таксама ці будзе чай змяшчаць палоній (адсылка да іншых гісторый атручвання, звязаных з расійскімі спецслужбамі).
У гутарцы з CNN Рагозін таксама выказаў пажаданне, каб расійскія алігархі больш інвесціравалі ў касмічную індустрыю замест таго, каб траціць грошы на яхты. Кіраўнік «Раскосмаса» спадзяецца, што дзеці цяперашніх расійскіх міліянераў пакажуць у гэтым плане больш мудрасці.
Цяпер чытаюць
«Паднябеннага збіваў былы начальнік калоніі». Вось што расказваюць пра палітвязня, які загінуў за кратамі ў 36 гадоў8
Каментары