Беларускія праваабаронцы заклікалі ЦВК Грузіі перагледзець рашэнне аб акрэдытацыі Ярмошынай
Кампанія «Праваабаронцы за свабодныя выбары ў Беларусі» заклікала ЦВК Грузіі перагледзець рашэнне аб акрэдытацыі Ярмошынай у якасці назіральніцы на мясцовых выбарах.
Цэнтральная выбарчая камісія Грузіі акрэдытавала на мясцовыя выбары, якія пройдуць 2 кастрычніка, у якасці міжнародных назіральнікаў групу прадстаўнікоў ЦВК Беларусі і яе старшыню Лідзію Ярмошыну.
У сувязі з гэтым прадстаўнікі кампаніі «Праваабаронцы за свабодныя выбары» звярнуліся ў ЦВК Грузіі і заклікалі перагледзець прынятае рашэнне, піша «Вясна».
«Пры такіх акалічнасцях запрашэнне прадстаўнікоў ЦВК Беларусі і яе старшыні Лідзіі Ярмошынай для ўдзелу ў назіранні за мясцовымі выбарамі ў Грузіі з'яўляецца недапушчальным і па сутнасці будзе азначаць падтрымку грузінскімі інстытутамі, у першую чаргу ЦВК Грузіі, фальсіфікацый вынікаў галасавання на выбарах у Беларусі, да якіх маюць непасрэднае дачыненне запрошаныя беларускія службовыя асобы», — гаворыцца ў паведамленні.
Каментары